در این دفتر همه از هم می آموزند و کسی استاد کسی نیست

(آرشیو پدیدآورنده بهزاد بیات فرد(حسرت))

دفتر شعر

داریخیر ( بهزاد بیات فرد )

داریخیر

قاپ_قارانليـْقدى شەهر يايغيـْن ايـْشيـْق لار داريخير
اوستونو غم بوروموش گؤى ياراشيـْق لار داريخير

وساواش ديرسا قيليج كيمسه كى هاى_كوى سالاراق
بو بوزومتول دؤيوشه آل باريـْشيـْق لار داريخير

بوردا ساز تـوزلو قاوال چانتا دا چالمير بالابان
پينتى غم لر بورويوب شهرى آشيـْق لار داريخير

خيـاوان لار باغــيريـر دردلى شـەهر آغلاياراق
كوچه لر دام يولولار دار _دولاشيـْق لار داريخير

مور بوياق مورگو باخيش غمله بولانميش بيرينه
بو يوموق فلسفه دن تام دانيـْشيـْق لار داريخير

بوراخـيب كـندى گــونش شـوقونا گـلمه بورا سن!
قاپ قارانليـْقدى شەهر يايغين ايـْشيـْق لار داريخير

بهزادبیات‌فرد




03 آبان 1398 33 0

غزل ترکی - نازلی

نازلی

کولان چئکین قاپیدان یولدادیر گلیر نازلی
دئیین کی گلمه‌یینی سئوگیلین بیلیر نازلی

نیفیس‌ده‌یر دئیه‌رک اود آچیب دوروب قاپی‌دا
اوزرلیک‌الده کؤمور اوستونه چیلیر نازلی

اومان‌گؤزونده‌قالان،سئوگی سین سریبدی یولا
پاییز بولودلاری دک گؤز یاشین الیر نازلی

آل آلما نین سایاغی ساخلاییبدی‌سنله‌دادا
او عؤمرونو سن ایله اورتادان بؤلور نازلی

آلیب قوجاقدا غزل کؤرپه‌سین گلن چاغا دک
امیشدیریر اووودور هئی آچیر بلیر نازلی

تلس یئتیش بورا سن کؤوره‌لیر دؤزه‌‌بیلمیر
اوره‌یینین باشینی آیریلیق دلیر نازلی

دی سؤنمه‌سین بو ائوین‌لامپاسی گلیر او‌ قوناق...
گلن آیاق سسی دیر واللاهی گلیر نازلی!


بهزادبیات‌فرد


12 فروردین 1398 165 0